تحديث / شباب اليوم واحد من الربع متصل عليهم قالوله لك تجربه شهر واذا ما عجبك ترد تاخذ فلوسك 🙂 🙂
الانترنت بالكويت يعتمد على حسب حاجتك فإذا كنت في مكان معين لا بديل عن خدمة ADSL
وإذا كنت في مكان متنقل وما تستقر في مكان معين فهني يا تاخذ اشتراكات الهواتف المتنقلة ( زين – فيفا – وطنية ) أو مدى
إذا كنت في بيت فالأوفر لك وللعايلة يكون عندك اشتراك ADSL وبالراوتر تكون مشغل الوايرلس وبالتالي الكل يستفيد منه وما راح يتقيد بعدد معين من المتصلين وميزة الدي أس أل إنه يعطيك سرعة ثابتة معلومة حسب اشتراكك
كوني شخص ملم بعالم التقنيات وسبق ان اشتغلت بشركتين يزودون بخدمة الانترنت لاحظت هاليومين عرض عجيب الصراحة
واللي طلعت فيه شركة غلف نت وهو بقيمة 75 دينار اشتراك سنوي ( يعني 6 دنانير وربع حق كل شهر ) والسرعة كثر ما يشيل خطك يعني لو انت عندك الخط العادي في أسوء الأحوال 2 ميغا وبأفضل الأحوال تاخذ فوق 8 ميغا
ولو تبي تسوي تغطية حق البيت كله لو بيتك ثلاث أدوار تييب لك أكسس بوينت مع تمديداته يمكن ما يطلع عليك 60 دينار ويصير انت فوق ولا تحت ولا بالسرداب شابك ما عليك من تغطية الخدمة مالت التلفون ولا اي شي
فاللي أشوفه لحق واشترك ولو فكرت بيكون اقتصادي يعني لو انتوا ثلاثة بالبيت سويتوا قطية حق الاشتراك بيطلع كل واحد بيدفع تقريبا دينارين كل شهر وتطلع 24 دينار بالسنة … !!
فيديو دعاية غلف نت ( ما ادري متى بينتهي )
خطك اذا في مشكلة تقدر توصله مباشرة من البوكس للراوتر تييب لك فني من لوازم العايلة ما يطلع عليك 10 دنانير ومجرب اشتراك غلف شغل داون لود وتنزيل تورنت صراحة شي خرافي وعجيب لا يطوفك حتى تركيب الجمبر بالسنترال ما ياخذ وايد والدعم الفني جيد
تقدر تتصل عليهم 1816666
شكلي بشترك بس عساهم مو مثل الشركة القديمة
انا مشترك بغلف صراحة احسن بوايد من الشركة اللي قبلها والتورنت عندي ما يوقف
بصراحة انا مشترك معاهم من ٥ سنوات وخدمتهم عجيبة واشتركت بخدمتهم الجديدة وماخد ٨ ام بي مع العلم ان ٨ ام بي كانت عندهم ب ٢٠٠ دينار حسافة خطي مايشيل اكتر انصح الجميع بالاشتراك!!
اوكي عمي ما تقل عليك السرعة لما تنزل ملفات؟؟ انا ابي اتصال غير محدود
اشتركت فيه وجيد للحين وما ادري عن بعدين